Үйлчилгээний нөхцөл

Хамгийн түрүүнд мэдэх 3 зүйл

1. 1Normly бол зөвхөн лавлагааны хэрэгсэл. Хариулт нь хууль зүйн зөвлөгөө, зураг төслийн шийдэл, инженерийн тооцоо, экспертизийн дүгнэлт, мэргэжлийн баталгаажуулалт биш. Эцсийн шийдвэрийн өмнө хүчин төгөлдөр албан эх сурвалж болон эрх бүхий мэргэжилтнээр өөрөө шалгуулна.
2. 2Credit хугацаа дуусдаг. Free багцын credit долоо хоног бүр шинэчлэгдэж хуримтлагдахгүй. Plus, Pro болон урамшууллын credit 30 хоногийн багцын хугацаа дуусахад, нэмэлт credit худалдан авснаас хойш 90 хоногт тус тус дуусна.
3. 3Төлбөр гараар баталгаажна. Одоогоор төлбөрийг банкны шилжүүлгээр хийдэг. Шилжүүлгийг гараар тулгаж баталгаажуулсны дараа багц, credit идэвхжих тул идэвхжилт шууд биш.

1. Үйлчилгээ эрхлэгч, гэрээний хүрээ

Normly AI үйлчилгээг Орхонтулга Отгонжаргал (регистрийн дугаар: УХ03252675) эрхэлнэ. Албан харилцах цахим хаяг: support@normly.mn; утас: 86117954; вэбсайт: https://normly.mn. Энэ нөхцөлд “Normly”, “бид”, “Үйлчилгээ эрхлэгч” гэж дээрх этгээдийг, “хэрэглэгч”, “та” гэж бүртгэл үүсгэсэн эсвэл үйлчилгээг ашиглаж буй хүнийг хэлнэ.

Энэ нөхцөл нь Normly-ийн вэбсайт, бүртгэл, AI чат, багц, credit болон холбогдох хэрэглэгчийн үйлчилгээнд хамаарна. Монгол Улсын хууль тогтоомж үйлчилнэ. “Календарь өдөр” нь бүх өдрийг; “ажлын өдөр” нь Монгол Улсын нийтээр амрах баярын өдрөөс бусад Даваа-Баасан гарагийг; цагийн тэмдэглэгээ нь Улаанбаатарын цагийг илэрхийлнэ.

Байгууллагын нэрийн өмнөөс ашиглаж байгаа хүн төлөөлөх эрхтэй гэдгээ батална. Тусгайлан байгуулсан байгууллагын гэрээ энэ нөхцөлтэй зөрчилдвөл тусгай гэрээ давуу үйлчилнэ.

2. Normly үйлчилгээ ба зориулалтын хязгаар

Normly нь Монгол Улсын БНбД, БД, MNS стандарт болон холбогдох журмаас асуултад хамаарах хэсгийг хайж, ишлэлтэй AI хариулт үүсгэдэг лавлагааны туслах юм. Normly нь төрийн, стандарт батлагч, магадлал эсвэл экспертизийн байгууллага биш бөгөөд албан дүгнэлт гаргахгүй.

AI хариулт алдаатай, дутуу, хуучирсан эсвэл ишлэл нь тохироогүй байж болно. Сан дахь баримт хамгийн сүүлийн хувилбар байх баталгаагүй. Хэрэглэгч иш татсан заалт, хүчин төгөлдөр хувилбар, хэрэглэх хүрээг албан эхээс шалгаж, шаардлагатай бол эрх бүхий мэргэжилтний дүгнэлт авна.

Систем нь Монголын барилгын норм, стандарт болон тэдгээртэй шууд холбоотой журмын хүрээнд ажиллана. Хүрээнээс гадуурх асуултад хариу өгөхөөс татгалзаж болно. Чатын түүх хэрэглэгчийн бүртгэлд хадгалагдаж, 10 дугаар хэсэг болон Нууцлалын бодлогоор зохицуулагдана.

3. Бүртгэл, нас, аюулгүй байдал, зөвшөөрөл

Хэрэглэгч имэйл, нууц үг эсвэл Google бүртгэлээр бүртгүүлж, AI чат ба credit ашиглахын өмнө имэйлээ баталгаажуулна. Мэдээллээ үнэн зөв байлгах, нууц үгээ хамгаалах, зөвшөөрөлгүй нэвтрэлтийг support@normly.mn хаягаар даруй мэдэгдэх үүрэгтэй.

Normly-г зөвхөн 18 нас хүрсэн хүн ашиглана. 18 нас хүрээгүй хүний бүртгэл үүсгэх, хувийн мэдээллийг боловсруулах тусгай зөвшөөрлийн урсгал одоогоор байхгүй. Нэг хүн үнэгүй credit давхар авах зорилгоор олон бүртгэл үүсгэх, бусдын бүртгэл ашиглах, бүртгэлээ хуваалцахыг хориглоно.

Зөвшөөрлийг нотлохын тулд бүртгэлийн таних мэдээлэл, нөхцөлийн хувилбар, огноо, цаг, техникийн бүртгэлийг Нууцлалын бодлогын дагуу хадгалж болно. Google-ээр нэвтрэх нь дангаараа зөвшөөрөл биш.

4. Багц, credit, хүчинтэй хугацаа

Plus болон Pro нь автоматаар сунгагдахгүй. Дараагийн 30 хоногийн багцыг хэрэглэгч шинэ төлбөрийн захиалга үүсгэж, төлбөрөө баталгаажуулснаар авна. Багцын болон bonus credit 30 хоногийн хугацаа дуусахад үлдэгдэлтэй байсан ч хүчингүй болж, дараагийн багцад шилжихгүй.

Credit нь Normly доторх хэрэглээний нэгж бөгөөд цахим мөнгө биш. Бусдад шилжүүлэх, худалдах, мөнгө болгохгүй; 7 дугаар хэсгийн буцаалт үүнд хамаарахгүй. Хамгийн түрүүнд хугацаа дуусах, хугацаа ижил бол түрүүлж олгосон үлдэгдлээс хасна.

5. Credit зарцуулалт ба алдаатай гүйлгээ

Нэг асуултад нарийн төвөгтэй байдлаас хамаарч 10, 20, 50 эсвэл 100 credit зарцуулна. Асуултыг илгээхээс өмнө хасагдах credit-ийн хэмжээг дэлгэцэд харуулна. Хэрэглэгч асуултыг илгээснээр тухайн хэмжээг зөвшөөрсөнд тооцно. Хүрээнээс гадуурх гэж систем тогтоосон асуултад credit хасахгүй.

Техникийн алдаанаас хариулт үүсээгүй, хоосон ирсэн эсвэл хүсэлт боловсруулагдаагүй бол хасагдсан credit-ийг автоматаар, боломжгүй бол хүсэлтээр 24 цагт сэргээнэ. Агуулгатай санал нийлэхгүй байх нь автомат буцаалтын үндэс биш. Ишлэл байхгүй, нээгдэхгүй эсвэл хариулт техникийн хувьд ашиглах боломжгүй бол шалгуулах хүсэлт гаргаж болно.

6. Төлбөр, захиалга, идэвхжүүлэлт

Одоогоор төлбөрийг зөвхөн төлбөрийн захиалгад заасан банкны данс руу шилжүүлнэ. Карт болон автомат онлайн төлбөр ажиллахгүй. Захиалга үүсгэснээс хойш 48 цагийн дотор шилжүүлэг хийгээгүй бол захиалга хүчингүй болно. Хугацаа өнгөрсний дараа хийсэн шилжүүлгийг шинэ захиалгад холбох эсвэл буцаахыг хэрэглэгчтэй баталгаажуулж шийднэ.

Дүн, гүйлгээний утга, захиалга таарсны дараа ердийн нөхцөлд 1 ажлын өдөрт гараар баталгаажуулж багц, credit-ийг идэвхжүүлнэ. Буруу дүн, утга, өөр хүний данс эсвэл тодорхойгүй шилжүүлгийг тайлбар авах хүртэл идэвхжүүлэхгүй байж болно.

Төлбөрийн дэлгэцэд харагдсан дүн нь хэрэглэгчийн төлөх дүн байна. Хуульд заасан тохиолдолд төлбөрийн баримт эсвэл гүйлгээний баталгааг олгоно. Plus, Pro багц автоматаар сунгагдахгүй бөгөөд хэрэглэгчийн зөвшөөрөлгүйгээр данснаас төлбөр татахгүй.

7. Буцаалт, доголдол, нөхөн олговор

Багц эсвэл credit идэвхжээгүй, хэрэглээнд ороогүй төлбөрийг хэрэглэгч хүсвэл бүтэн буцаана. Идэвхжсэн худалдан авалтын хэсэгчилсэн буцаалтыг хүсэлт хүлээн авсан үеийн ашиглагдаагүй хэсгээр дараах байдлаар тооцно:

• Plus, Pro: төлсөн дүнг (а) 30 хоногоос үлдсэн бүтэн өдрийн хувь болон (б) тухайн худалдан авалтаар олгосон нийт credit-ээс, bonus-ийг оролцуулан, үлдсэн credit-ийн хувийн аль бага утгаар үржүүлнэ.
• Нэмэлт credit: төлсөн дүнг тухайн худалдан авалтаас үлдсэн credit-ийн хувиар үржүүлнэ.
• Free credit болон тусад нь мөнгө төлөөгүй урамшуулал бэлэн мөнгөний бие даасан үнэ цэнгүй.

Normly боловсруулалтын шимтгэл авахгүй. Банк буцаалтын бодит шимтгэл суутгавал баримтаар нотлогдсон хэмжээг буцаах дүнгээс хасаж болно.

Normly-ийн баталгаажсан доголдол 24 цагаас дээш үргэлжилбэл багцын хугацааг бүтэн өдрөөр сунгах эсвэл credit сэргээнэ. Доголдол 72 цагаас дээш үргэлжилсэн, эсвэл 5 ажлын өдөрт шийдэгдээгүй бол хэрэглэгч сунгалт, credit эсвэл ашиглагдаагүй төлбөрт хэсгийн буцаалтаас сонгоно. Доголдлын өдрийг буцаалтын үлдсэн хугацаанаас хасахгүй.

Хүсэлтийг бүртгэлийн имэйлээс захиалгын дугаар, огноо, дүн, баримт, буцаан авах дансны хамт илгээнэ. Бид 10 ажлын өдөрт шийдвэрлэж, зөвшөөрсөн дүнг дараагийн 5 ажлын өдөрт анхны төлбөрийн данс руу шилжүүлнэ. Гуравдагч этгээдийн дансанд баталгаажуулалт шаардаж болно. Хуулиар олгосон бусад арга, эрхийг энэ журам хязгаарлахгүй.

8. Зөвшөөрөгдөх ба хориглох хэрэглээ

Хэрэглэгч Normly-г хууль ёсны зорилгоор, энэ нөхцөл болон дэлгэцэд өгсөн зааврын дагуу ашиглана. Дараах үйлдлийг хориглоно:

• хууль бус, залилан, бусдын эрхэд халдах, аюултай зорилгоор ашиглах;
• хамгаалалт, rate limit, credit, төлбөр, нэвтрэх хяналтыг тойрч гарах, турших, эвдэх;
• зөвшөөрөлгүй бот, скрипт, scraping, bulk download эсвэл автомат хүсэлтээр хэт ачаалал үүсгэх;
• бүртгэлээ дамжуулах, хамтран ашиглах, түрээслэх, дахин худалдах, олон бүртгэлээр үнэгүй credit давхар авах;
• хариултыг Normly, төрийн байгууллага, инженер, архитектор, экспертээс гаргасан албан дүгнэлт мэт худал төлөөлөх;
• бусдын хувийн, нууц, зохиогчийн эрхтэй мэдээллийг зөвшөөрөлгүй оруулах, авах, түгээх;
• хорт код оруулах, системийн эх код, загвар, хамгаалалтыг reverse engineering хийх буюу хуульд зөвшөөрснөөс давсан аргаар хуулбарлах.

Зөрчил нь бусдад, системд, мэдээллийн аюулгүй байдалд шууд эрсдэл үүсгэвэл бүртгэлийг нэн даруй түдгэлзүүлж болно. Бусад тохиолдолд 12 дугаар хэсгийн мэдэгдэл, залруулах боломж, давж заалдах журмыг хэрэглэнэ.

9. Оюуны өмч, эх баримт, хэрэглэгчийн агуулга

Normly-ийн нэр, лого, домэйн, интерфэйс, дизайн, код, хайлт, индексжүүлэлт, өгөгдлийн сангийн бүтээлч бүтэц болон өөрийн материалын эрх нь Үйлчилгээ эрхлэгч эсвэл эрх эзэмшигчид хамаарна. Хэрэглэгч платформыг нөхцөлийн хугацаанд зориулалтын дагуу ашиглах, бусдад шилжүүлэхгүй эрхтэй.

Албан баримт болон стандартчиллын баримт бичгийн эрх зүйн статусыг Монгол Улсын хууль тогтоомжоор тодорхойлно. Normly нь БНбД, БД, MNS-ийн өмчлөгч гэж өөрийгөө төлөөлөхгүй; лавлагааны зорилгоор индексжүүлж, ишлэл, мета мэдээлэл харуулна. Гуравдагч этгээдийн тайлбар, орчуулга, зураг, лого, эмхэтгэл, өгөгдлийн сан тусдаа эрхээр хамгаалагдаж болно.

Хэрэглэгч асуултдаа эрхээ хадгалж, Normly-д үйлчилгээ үзүүлэхэд шаардлагатай хэмжээнд хадгалах, хуулбарлах, техникийн аргаар боловсруулах эрх олгоно. Хариултыг хууль ёсны ажилдаа ашиглаж болох ч онцгой өмчлөх эрх үүсэх, бусдын эрхээс ангид байх баталгаа байхгүй. Чатыг танигдах хэлбэрээр загвар сургах, ерөнхий сайжруулалтад ашиглах бол тусдаа сайн дурын зөвшөөрөл авна; бусад үед зөвхөн таних боломжгүй болгосон, нэгтгэсэн мэдээлэл ашиглаж болно.

10. Хувийн мэдээлэл, чат, аюулгүй байдал

Хувийн мэдээллийг https://normly.mn/privacy хаяг дахь Нууцлалын бодлогоор зохицуулна. Үйлчилгээ үзүүлэхэд бүртгэл, баталгаажуулалт, төлбөр, credit, чат, төхөөрөмж, аюулгүй байдлын логийг шаардлагатай хэмжээнд боловсруулж болно.

Маркетинг, танигдах чат ашиглан загвар сайжруулах зэрэг сонголтот зорилгод тусдаа зөвшөөрөл авна. Гуравдагч этгээдийн үйлчилгээ үзүүлэгчид дамжуулах мэдээлэл, зорилго, хугацаа, зөвшөөрөл цуцлах аргыг Нууцлалын бодлогод тайлбарлана. Гадаад улс руу дамжуулах бол хуульд заасан үндэслэл эсвэл тусдаа зөвшөөрөл бүрдүүлнэ.

Хэрэглэгч мэдээлэлтэйгээ танилцах, хуулбар авах, засуулах, устгуулах, зөвшөөрөл цуцлах, гомдол гаргах эрхээ support@normly.mn хаягаар хэрэгжүүлнэ. Чатад төрийн, албаны, байгууллагын нууц, бусдын регистр, эрүүл мэнд, биометрик, нууц түлхүүр, нууц үг оруулахгүй. Хохирол учруулж болзошгүй мэдээллийн зөрчлийг хуульд нийцүүлэн даруй мэдэгдэнэ.

Чатын түүх бүртгэл идэвхтэй үед хадгалагдана. Устгах хүсэлт баталгаажсанаас хойш чат, контентыг идэвхтэй системээс 30, нөөцөөс 90 календарь хоногт устгана. Төлбөр, татвар, залилан, маргааны хуулиар хадгалах бүртгэлийг зөвхөн тухайн зорилго, хугацаагаар хадгалж болно.

11. Үйлчилгээний хүртээмж, засвар, өөрчлөлт

Normly-г “байгаа байдлаар нь” үзүүлнэ. Тусгай гэрээгүй бол тасралтгүй, алдаагүй ажиллах баталгаа өгөхгүй. Төлөвлөгөөт засварыг боломжит хугацаанд мэдэгдэнэ. Хэрэглэгчийн төхөөрөмж, интернет, банк, цахилгаан, гуравдагч систем, давагдашгүй хүчин зүйлээс шалтгаалсан сааталд Normly буруугүй бол нөхөн олговор үүсэхгүй.

Аюулгүй байдал, хууль, техникийн шаардлагаар функцийг өөрчилж болно. Төлсөн багцын үндсэн хэрэглээг материаллаг бууруулах бол 14 өдрийн өмнө мэдэгдэнэ. Үйлчилгээг хаах бол боломжтой нөхцөлд 30 өдрийн өмнө мэдэгдэж, ашиглагдаагүй төлбөрт credit-д буцаалт эсвэл шилжүүлэг санал болгоно.

12. Түдгэлзүүлэх, цуцлах, бүртгэл устгах

Хууль бус ажиллагаа, залилан, зөвшөөрөлгүй нэвтрэлт, төлбөрийн зөрчил, шууд эрсдэлд бүртгэлийг нэн даруй түдгэлзүүлж болно. Бусад зөрчилд шалтгааныг мэдэгдэж, боломжтой бол 5 ажлын өдөрт залруулах боломж өгнө. Гомдлыг 10 ажлын өдөрт шийдвэрлэнэ.

Хэрэглэгч тохиргооноос эсвэл имэйлээр бүртгэлээ устгаж болно. Устгахаас өмнө Free, bonus credit буцаагдахгүй, төлбөртэй үлдэгдэлд 7 дугаар хэсэг үйлчлэхийг сануулна. Баталгаажсанаар хандах эрх дуусч, мэдээллийг 10 дугаар хэсгийн дагуу устгана.

Normly хэрэглэгчийн зөрчилгүйгээр бүртгэлийг цуцалбал ашиглагдаагүй төлбөрт хэсгийг буцаана. Ноцтой зөрчилтэй байсан ч бүх credit-ийг автоматаар хураахгүй; хэрэглэсэн хэсэг, хуулиар зөвшөөрсөн бодит хохирлыг тооцно.

13. Үнэ болон нөхцөлийн өөрчлөлт

Үнэ, багц, credit-ийг өөрчлөх бол 14 өдрийн өмнө вэб, систем эсвэл имэйлээр мэдээлнэ. Автомат сунгалтгүй тул шинэ үнэ дараагийн захиалгад үйлчилнэ. Идэвхжсэн багц, нэмэлт credit-ийн хэмжээ, хугацааг буцаан өөрчлөхгүй.

Төлбөр, эрх, үүрэг, хариуцлагад материаллаг өөрчлөлт оруулах бол 14 өдрийн өмнө мэдэгдэж, шаардлагатай бол дахин зөвшөөрөл авна. Хувийн мэдээллийн шинэ зорилгод хуульд шаардсан шинэ зөвшөөрөл авна. Утга өөрчлөхгүй засварыг нийтэлсэн даруйд мөрдөж болно.

Шинэ нөхцөлийг зөвшөөрөхгүй бол үйлчилгээг зогсоож, бүртгэлээ устгах, ашиглагдаагүй төлбөрт үлдэгдлийн буцаалт хүсэх эрхтэй. Идэвхтэй төлбөртэй эрхийг хугацаа дуусахаас өмнө дордуулахгүй.

14. Баталгаа, хэрэглэгчийн хариуцлага, хариуцлагын хязгаар

Normly хайлт, ишлэл, AI хариулт үнэн зөв, бүрэн, хамгийн сүүлийн, тухайн төсөлд тохирохыг батлахгүй. Зураг төсөл, тооцоо, зөвшөөрөл, гэрээ, талбай, аюулгүй байдал, хууль зүйн шийдвэрийг зөвхөн AI-д тулгуурлан гаргахгүй. Зөрүү гарвал хүчин төгөлдөр албан эх, эрх бүхий этгээдийн дүгнэлтийг баримтална.

Хуулиар зөвшөөрөх хүрээнд урьдчилан боломжийн байдлаар таамаглах боломжгүй шууд бус, үр дагаврын, алдагдсан ашиг, боломж, өгөгдөл, нэр хүндийн хохирлыг Normly хариуцахгүй. Ердийн зөрчлөөс үүссэн шууд хохирлын нийт хариуцлага нэхэмжлэлээс өмнөх 12 сард хэрэглэгчийн төлсөн дүнгээс хэтрэхгүй.

Хязгаарлалт нь санаатай, илт хайхрамжгүй үйлдэл, амь нас, эрүүл мэндийн хохирол, хууль бус мэдээлэл боловсруулалт, аюулгүй байдлын зөрчил, оюуны өмчийн зөрчил, хэрэглэгчийн заавал эдлэх эрх болон хуулиар хязгаарлахыг хориглосон хариуцлагад хамаарахгүй. Хэрэглэгчийн эрхийг дордуулсан заалтад хууль давуу үйлчилнэ.

15. Гомдол, маргаан, бусад нөхцөл

Хүсэлт, гомдлыг support@normly.mn хаягаар авч, 10 ажлын өдөрт үндэслэл бүхий хариу өгнө. Талууд маргааныг эв зүйгээр шийдэхийг хичээнэ. Энэ нь хэрэглэгч төрийн байгууллага, хэрэглэгчийн эрх хамгаалах байгууллага эсвэл шүүхэд хандах эрхийг саатуулахгүй.

Шийдэгдээгүй маргаанд Монгол Улсын хууль үйлчилж, эрх бүхий шүүх шийдвэрлэнэ. Нэг заалт хүчин төгөлдөр бус болсон ч бусад нь хэвээр байна. Эрхээ нэг удаа хэрэгжүүлээгүй нь татгалзсан гэж үзэхгүй. Бизнес шилжихэд хэрэглэгчийн эрхийг дордуулахгүйгээр гэрээг эрх залгамжлагчид шилжүүлж, урьдчилан мэдэгдэж болно.

Мэдэгдлийг бүртгэлтэй имэйл, систем эсвэл normly.mn-ээр хүргэж болно. Хэрэглэгч холбоо барих мэдээллээ шинэ байлгана. Энэ нөхцөл болон Нууцлалын бодлого нь Normly-ийн ердийн хэрэглээний бүрэн тохиролцоо болно.

Normly AI · https://normly.mn · support@normly.mn · 86117954
Хувилбар 1.1 · 2026 оны 8 дугаар сарын 18-наас хүчинтэй